Ta’lim jarayonida interaktiv metodlar orqali muloqot madaniyatini rivojlantirishning pedagogik shart-sharoitlari

Annotatsiya

Mazkur maqolada ta’lim jarayonida muloqot madaniyatini rivojlantirishda interaktiv ta’lim metodlaridan foydalanishning  pedagogik shart-sharoitlari tahlil qilingan. Tadqiqotda ta’lim jarayonida kommunikativ kompetensiyani shakllantirishning pedagogik ahamiyati, interaktiv metodlarning o‘quvchilar va talabalarning muloqot ko‘nikmalarini rivojlantirishdagi o‘rni yoritilgan. Shuningdek, interaktiv ta’lim texnologiyalari orqali shaxslararo munosabatlarni rivojlantirish, jamoada ishlash, fikr almashish va bahs-munozara madaniyatini shakllantirishning nazariy va amaliy jihatlari ko‘rib chiqilgan.Tadqiqotning maqsadi ta’lim ishtirokchilari o‘rtasidagi samarali muloqotni ta’minlovchi pedagogik omillarni aniqlash va ularning ta’lim sifatiga ta’sirini yoritishdan iborat. Tadqiqot jarayonida pedagogik tahlil, qiyosiy tahlil, ilmiy manbalarni o‘rganish hamda umumlashtirish metodlaridan foydalanildi. Natijalar shuni ko‘rsatdiki, o‘qituvchining kommunikativ kompetentligi, ta’lim muhitining qulayligi, o‘quvchilarning faolligi, hamkorlikka asoslangan pedagogik yondashuvlar hamda, interaktiv ta’lim metodlaridan foydalanish ta’lim jarayonida samarali muloqotni shakllantirish, shaxsning ijtimoiy faolligini oshirishga xizmat qilishini ko‘rsatadi. Tadqiqot yakunida ta’lim jarayonida samarali muloqotni rivojlantirishga xizmat qiluvchi pedagogik tavsiyalar ishlab chiqildi hamda ularning amaliy ahamiyati asoslandi.